Radyo Hataw

RADYO HATAW HEADLINES/June 30, 2005


1---SERYE NG KILOS-PROTESTA PARA IGIIT ANG PAGBIBITIW NI PANGULONG GMA…SINIMULAN NA
NAGSIMULA NA ANG SERYE NG MGA RALLY LABAN KAY PANG. ARROYO KAUGNAY NG PAMBANSANG ARAW NG PROTESTA.
IBA'T-IBANG PANGUNAHING LUGAR SA METRO MANILA ANG OOKUPAHIN NG MGA RALIYISTA UPANG MAIGIIT ANG PAGBIBITIW SA PUWESTO NI PANG. ARROYO.
ILAN SA MGA LUGAR NA ITO AY INOKUPA NA NG MGA RALIYISTA SIMULA PA KANINANG UMAGA.
NAG-'MOTORCADE' SA KAHABAAN NG EDSA PATUNGO SA AYALA AVE. ANG MGA MIYEMBRO NG MILITANTENG GRUPO NA "LUMABAN KA!".
MULA SA HARAP NG RUSTAN'S DEP'T. STORE, NAGTIPON NAMAN ANG DAAN-DAANG RALIYISTA PATUNGO SA PASEO DE ROXAS ST.
MAY MGA GAGANAPIN DING RALLY NGAYONG HAPON SA TIMOG CIRCLE, PHILCOA AT MABUHAY ROTONDA SA QUEZON CITY, SA QUIAPO AT RAMON MAGSAYSAY BLVD. SA MAYNILA, SA MONUMENTO CIRCLE SA CALOOCAN CITY, SA SUCAT, PARANAQUE; BICUTAN, TAGUIG; CAINTA JUNCTION SA CAINTA, RIZAL; AT SA MALINTA AT TUNGKO SA AREAS NAMAN NG BULACAN.
BAGO MATAPOS ANG MGA RALLY, MAGDARAOS NG NOISE BARRAGE ANG MGA DEMONSTRADOR PAGSAPIT NG ALAS 6 NG GABI.


2---PANGULONG ARROYO…DAPAT DAW BIGYAN NG ISA PANG PAGKAKATAON
NANAWAGAN RIN SA PUBLIKO ANG BUSINESS SECTOR NA BIGYAN PA NG PAGKAKATAON SI PANG. ARROYO UPANG MAKABAWI SA MGA PROBLEMA NG ADMINISTRASYON.
SINABI NI MAKATI BUSINESS CLUB CHAIRMAN RAUL CONCEPCION NA DAPAT PANG BIGYAN NG ANIM NA BUWAN SI GMA UPANG PATUNAYAN NA DAPAT PA SIYANG MANATILI SA PUWESTO.
MAGIGING KRUSYAL UMANO KAY GMA ANG SUSUNOD NA ANIM NA BUWAN DAHIL DITO NAKASALALAY ANG TIWALA NG MAMAMAYAN NA BIGLANG NAWALA DAHIL SA MGA LUMUTANG NA ISKANDALO.
NAUNA RITO, IPINAHAYAG NI U.P. SOCIOLOGIST PROFESSOR RANDY DAVID NA KRITIKAL PARA SA PANGULO ANG SUSUNOD NA ANIM NA BUWAN DAHIL MAAARING ITONG MAPATALSIK SA PUWESTO DAHIL SA MGA KONTROBERSYANG NILIKHA NG AMDINISTRASYON.




3---PRESYO NG LPG…TATAAS NG 4 PESOS BAWAT KILO
TATAAS BUKAS ANG PRESYO NG LIQUIFIED PETROLEUM GAS O LPG.
EPEKTIBO BUKAS, TATAAS NG 4 NA PISO KADA KILO O 44 NA PISO KADA ISANG 11 KILO NA TANGKE ANG ITATAAS NG MGA LPG PRODUCTS.
AYON SA GRUPONG LPG MARKETERS ASSOCIATION, TUMAAS ANG CONTRACT PRICE NG LPG NA UMABOT NG LIMANG DOLYAR.
BUKOD SA CONTRACT PRICE NG LPG, TUMAAS RIN ANG FOREIGN CURRENCY EXCHANGE RATE NG PISO NG $1.70.
INAMIN RIN NG GRUPO NA MAY MALAKING EPEKTO SA PAGTATAAS NG PRESYO BUKAS NG LPG ANG IMPLEMENTASYON NG EXPANDED VALUE ADDED TAX.



4---PNP AT MILITAR…NAKATAAS NGAYON ANG ALERTO
NAGTAAS NG ALERT STATUS ANG P-N-P KAUGNAY NG NAT'L. DAY OF PROTESTS LABAN KAY PANG. ARROYO SA ARAW NA ITO.
NAGTIPON-TIPON SA MGA PANGUNAHING LUGAR SA METRO MANILA ANG MGA GRUPONG ANTI-GMA PARA MAG-PROGRAMA AT MAG-'NOISE BARRAGE'.
SINABI NAMAN NI PNP SPOKESMAN CHIEF SUPT. LEOPOLDO BATAOIL NA ITINAAS ANG ALERTO SA KAMPO CRAME KAUGNAY NG MGA MANGYAYARING RALLY.
KABILANG SA MGA UNIT NA SUSUBAYBAY SA MGA KILOS-PROTESTA ANG PNP-NCRPO AT ANG MGA CROWD CONTROL UNIT NG MGA POLICE DISTRICT.
ABALANG-ABALA RIN ANG WESTERN POLICE DISTRICT OFFICE SA PAGHAHANDA SA MGA MAGAGANAP NA RALLY SA MAYNILA.
SAMANTALA, MAGING ANG MILITAR AY NAKAALERTO RIN BAGAMAN SILA AY NAKA-STANDBY SA ANUMANG MAAARING MAGIGING TULONG NILA SA HANAY NG PNP.
ANG PNP ANG MERONG BUONG SAKLAW SA MGA RALLY PARA SA MATIYAK ANG KAAYUSAN ANG ANUMANG MGA AKTIBIDADES